我還是做蛋糕的初哥，其實蛋糕對於我，真的是一件比煮西餐要難的事。
凡是用麵粉整的東西，都會很自然地覺得很難掌握 (可能我自細就有麵粉恐懼症~!)
但是，我一定要克服這個心理障礙啊啊啊~~~!!無野可以難倒我!! 於是乎，柴娃娃去上蛋糕班。
才發現，麵粉、雞蛋、忌廉、牛油，嘻嘻哈哈拌在一起，會變出很多繽紛的造型及款式。
今堂整狗仔3D蛋糕，是一堂很有趣的課，阿Sir在製作狗仔的過程中，同學們都莫名其妙，何以幾塊蛋糕切出來，就成了狗仔的模樣，不過出來的作品真的很可愛啊!!
材料：
蛋4隻、糖100克、麵粉90克、熱牛油30克、雲呢拿油少許
自製栗子蓉：
栗子225克、鮮忌廉100克、Rum酒2茶匙
1. 首先整個蛋糕，把4隻蛋、糖打起至杰身
大家出盡力咁打
終於打到企身喇
然後把篩過既麵粉和雲厘拿油，分段加入蛋漿拌勻，再倒入餅模用180度焗25分鐘
焗好喇~~香噴噴~~顏色好靚！
焗好蛋糕之後，阿Sir 好似魔術師咁將一個蛋糕，切幾下，砌幾砌，變左一個立體蛋糕，我地都覺得太神乎其技！
過程有點複雜，文字難以表達，以一連串的相片顯示部驟先！
呢個模樣，我地都話，點睇都唔似狗仔，哈哈！
準備整栗子蓉喇~~
我地既狗仔~~哈，造型還可以，但當然無阿Sir個隻咁靚!
先準備忌廉，這個是全班的份量！
Rum酒
打好忌廉之後，加入栗子蓉，加Rum酒，鍾意酒味重D醉D可以加多D
拌勻晒所有材料
先為蛋糕刮滿栗子蓉
再o即忌廉響狗仔四肢、面部及頭，造成層次感，要一條條咁o即上去，要非常小心翼翼，再在栗子蓉位置一條條地o即上栗子蓉，覆蓋底部的不完美，如是者，把全隻狗仔都用白色及啡色條條覆蓋
阿Sir o即得好靚~~半完成作品
哈哈，到我隻狗仔喇，真係o即得好核突，超級擔心，點睇都唔似一隻狗仔
阿Sir 用朱古力整好既眼仔，好可愛
阿Sir幫其它同學修飾下隻狗仔，好彩我都有份，嘻嘻！
加左眼同口仔，終於似番隻狗仔喇，傻傻的，惹人憐愛，可愛死了~~~!!!
我朋友隻狗仔個樣好忠心好乖巧！
2隻狗仔一齊放~~好滿足
阿Sir隻狗仔係醒目狗，哈哈
No comments:
Post a Comment