西餐另一個至愛就係BBQ Ribs, 又係愛不釋手個種！
我比較愛和豬做朋友，哈哈，所以如果餐廳有Ribs供應就非點不可！反而牛扒完全吸引唔到我重視既目光 (我睇你唔到睇你唔到!!)
以前仲係有種錯覺，覺得Ribs要放入大烤爐燒才好吃 (哈哈，以為係整燒鵝個種!)，又以為必須用炭爐呢d咁傳統而又專業的方法先整到, 所以務必要奉上金錢出街食，仲要次次都要同朋友爭食唔夠分 (唔知點解我班朋友都係大食仔~!)食得一舊半舊又到喉唔到肺，多慘啊!!
有日到超市見到有急凍Ribs出售，就萌起好想征服佢既念頭，買回家就睇下大家Friend唔Friend到!
呢個菜材料好簡單，看似唔難，但又係好多心機逐步整，一次生，兩次熟，仲要好有心機培養感情，同佢談心，要同Ribs做朋友，其實都要有好大耐性。
材料：
急凍Ribs ...................一條
(我響Taste買一隻叫丹麥豬肋骨)
BBQ Sauce.................一樽
洋蔥...........................半個
蒜蓉(切粒)................適量
醃料：
黑椒...........................適量
Rosemary..................適量
1) 解凍後洗淨備用
2) 用黑椒及Rosemary醃好Ribs，用即磨黑椒及新鮮Rosemary會更香，大約醃20分鐘
3) 先爆香蒜蓉及洋蔥，記得離火落完蒜蓉，先明火再炒，要不然會「痴底」(我就衰過好多次! =.=)
4) 再倒入約1/2樽的BBQ Sauce，加水同炒好既蒜蓉拌勻，直至滾起
我用既呢隻sauce響Taste有售，因為有個黑人o麥頭，我成日簡稱佢做「黑鬼汁」，呢隻醬都可以用黎做Buffalo Wings, 好惹味ga！味道似m記麥樂雞的BBQ醬
5) 放條Ribs入去，用大火煮約15分鐘﹐再轉細火煮約15分鐘
由於今次條Ribs都好長，所以都唔可以放得落成條，唯有不斷轉位，令兩端受熱更平勻。最好2邊keep住反一反，令Ribs炆得更腍
我覺得條Ribs好似浸緊溫泉咁，爽得佢丫！
6) 然後做焗Ribs的醬，方法一樣，先爆香蒜蓉及洋蔥，再用餘下的1/2 BBQ Sauce煮至杰身，把煮好的Ribs放上焗盤錫紙上，把醬汁掃上Ribs的表面，入爐220度烤10分鐘，再轉180度烤50分鐘，期間要打開焗爐為Ribs不斷補掃醬汁，約2-3次，以免焗得太乾，保持juicy的口感
焗完個樣真係好靚架，仲要全間屋都充滿住BBQ味，未食都流口水！
可以配上香草薯角及車厘茄，顏色靚靚，very yummy!
2個人食，一條有around 10條骨，唔洗爭食喇~~~
哈哈哈~大喜!!食到棒住個肚都得添，大滿足！
幾個朋友分都夠食啊~大家一齊試試吧~~!
No comments:
Post a Comment