雪糕，人人喜愛，買一部雪糕機在家，又好像有點浪費，如果用不到一個月一次，就害了它老是放在家。所以唯有忍手沒有買，還是外出吃雪糕就算了。
這個食譜是我在forum看見的，謝謝網友的無私分享，單看雪糕名字已經很吸引了，我也要試試看，把份量材料改良一下，加入自家雪糕工房行列，yeah!
製法很簡單，感覺像施了魔法，原來沒有雪糕機也可在家裡輕鬆整雪糕，完成後真的很有滿足感哩！Cooking Together是絕對的快樂！
材料：
淡忌廉..................250ml
北海道牛奶...........250ml
糖............................120g
(我改成80g, 少糖健康一點)
朱古力粉...............5湯匙
今次用了家裡剩下的agnes b. DELICES的朱古力粉，
希望香濃一點。
糖及朱古力粉準備好！
牛奶又再次出場，曝光率好高
1) 先將淡忌廉打成泡狀約2分鐘半
2) 用另一個盆子，將牛奶加入糖及可可粉打勻
3) 將已起泡的淡忌廉倒入牛奶混合物打勻，約打3-5分鐘
4) 完成後，放入冰格雪一個鐘
5) 一個鐘後，混合物的表面有少許凝結，再打勻5分鐘，然後放入冰格再雪，如是者，重覆做三次，每隔一小時打一次
6) 打了第三次之後就將混合物例入雪糕盒內，就可以放入冰格雪至少5-6個鐘，雪硬後就變成美味的雪糕喇
一開雪櫃，那種期待感覺多麼強烈啊，好心急製成品的模樣
表面都很像雪糕，第一次整氣泡多了一點
盛起來質地好似啊，和外面買回來的是一樣的，大喜！
食得喇~~~!加點杏仁片，美味的北海道牛奶朱古力雪糕，作為飯後美點，讓我家Honey也樂透了，他不斷大讚好好吃，還說了大約有十次，哈哈哈，吃了兩大杯，
我也覺得很開心！簡直是大大大喜！
原來，自己整，加了愛和心機，是特別的甜！
開動我的夏天雪糕大計~~~黎緊要試下整d新口味先！keee!!這個夏天太有樂趣了！
整咗呀，e家雪緊，但請問點先至唔會表面咁多泡泡呀？
ReplyDelete[版主回覆05/23/2013 00:19:35]我都係第一次整麻麻地，試多幾次一定超好味的~加油啊~~!
[JT回覆05/22/2013 20:35:39]好硬呀，無你整得咁好！但味道好好！！
[版主回覆05/22/2013 08:17:54]打得太快會多泡呀，我個打蛋器有350w勁得滯，第一次整開中速3度好多泡，而家用2度就好好多喇，哈哈。祝妳成功啊!
你好呀，用慢速打會少點泡泡，但要唔要打耐一點？
ReplyDelete[版主回覆05/22/2013 16:01:17]我整個時都會擔心打得唔夠係咁打，哈哈，但原來5分鐘都好足夠，而家我有時打3分鐘就算~太懶了~但效果其實差不多。同埋我之前會好大力打圈，其實慢慢打都已經ok！enjoy homemade ice cream~!
同阿仔一齊整，好易呀!佢好鍾意。多謝哂你的食譜!
ReplyDelete[版主回覆08/04/2013 02:13:32]唔洗客氣囉~~
好開心呀~~同仔仔一齊整~勁Good既親子活動!!
正呀!! 多謝分享!1
ReplyDelete[版主回覆08/11/2013 01:51:56]thanks~~唔洗客氣~~keke~
正呀, 謝謝你分享呀.
ReplyDelete我有純黑芝麻粉想整黑芝麻味, 芝麻粉是淡而無味的, 請問我要否加返一點糖去等如返你朱古力粉的甜味呀?
[版主回覆08/16/2013 01:14:15]芝麻我未試過，我見有d雪糕機食譜用黑芝麻做，糖的份量一樣，我估用黑芝麻粉加多20g-40g糖都差不多 (用100g-120g)，打完記得試下味就知夠唔夠甜，供你參考！
我都整了, 味道剛剛好, 好味, 不過唔夠CREAMY, 畢出黎時唔可以成個雪糕球. 我用最低速打的
ReplyDelete